KAKAILYAN SALAKNIBAN TAY AMIN A NAGTAUDAN
KASTAN-CPA ABRA
BANGUED, ABRA
March 21, 2017
Kondenaren ti agtultuloy a militarisasyon iti Malibcong, Abra.
Nasuspende iti klase dagiti ubbing ti intero a Malibcong iti maysa a domingo, Numanpay nagdeklara ti Department of Education nga agsubli ti klase, agbuteng dagiti ubbing a sumrek gaputa nagkampo dagiti ti army iti eskwelaan. Agkamkampo dagiti army iti siruk ti balbalay. Awan ti name plates da isunga saan a mainaganan dagiti umili dagiti soldado nga agkamkampo iti balbalay da.
Nagpakdaar ni Lt. Col. Dominic Baluga iti DZPA kadagiti umili a saan da a mapan kadigiti taltalon ken uma ta madama ti operasyon ti 500 a soldado iti intero a Malibcong. Iti kastoy, madanagan dagiti umili ta saan da a mataripato dagiti talonda ken saan dan a mabisita dagiti animal a katulungan da iti panagtalon. Agpeggad ti pangkabiagan dagiti umili iti sumaruno nga aldaw ta saanen a mapadanuman dagiti talonda.
Napuoran ti agarup lima ektarya a bantay nga isu ti paggapuan ti pangkabiagan ti umili. Nakaru a krisis ti sagrapen dagiti umili iti sumaruno nga aldaw.
Saan laeng a tatta a napasamak ti panangbomba dagiti AFP iti Bangilo. Nu malagip tayo, idi Mayo 30, 2013 ket binomba ti 21st IB ti AFP ti pastureland ken dagiti taltalon iti barangay Lat-ey diay Bangilo. Ti nagdumaanna tatta ket inbutaktak ni Lt. Col. Baluga iti maysa nga interview na iti DZPA nga agpayso nga inusar da ti jet fighter, Phosporous bomb ti inusar da nga agbomba ti kabanbantayan. Ti phosphorous bomb ket makapuor. Dagitoy a porma ti inusar dagiti pasista idiay Vietnam, Iraq, Iran ken dadduma pay a pagilian a mangsupsupyat iti imperyalista.
Idi agsapa ti Marso 16, 2017 ket nangisayangkat ti AFP iti awan pilpilien nga aerial bombing idiay Lat-ey, Bangilo, Malibcong Nangitinnag da iti 8 nga bomba iti nagbaetan ti alas siete agenggana alas otso ti agsapa. Saan a nagpatingga ti agsapa ti panagbomba da gaputa nangitinnag da manen iti 6 nga bomba iti malem iti nagbaetan ti Bangilo ken Mataragan. Nangikabil da ti check points iti Abra- Kalinga road nga banbantayan dagiti ti SAF ti PNP. Rakisaen da dagiti amin a karga ken kitainda no adda ti ID dagiti umuneg iti komunidad. Nu Makita da nga bagas ti karga ket saan da nga paunegen iti ili gapu ta suspetsaen da a supply kano ti NPA, uray ti bagas a mausar iti piesta ti patron ket saan a napalubusan a maiyuneg iti baryo. Inpabati da iti checkpoint.
Idi March 17, 2017 ket nasalaw ti army dagiti dua nga agtutubo iti kalsada a mapan idiay Duldulao. Gapu ta masuspetsa a supporter da kano iti NPA ket inhold ti army isuda ti nasurok pito nga oras no sadinno ket adda napasamak nga interogasyon. Adda napasamak a negosasyon sakbay a maipaima dagiti dua iti LGU. Adda met lang dua a babbai a taga Cayapa, LagangilangMarch 20, 2017 nga nakita ti barangay council Antonio ni Jr na. Adda ti 2 a babbai a taga Cayapa Lagangilang nga inhold met laeng ti army gapu ta awan ID da. Tinakderan ti ili da a sibilyan dagitoy isunga nakaawid da.
Segun iti linteg ti gubat, a pinirmaan ti dua a partido nga aggubgubat: Ket kasapaulan a magarantiyaan ti pannakasalaknib ti karbengan tao ti amin a Pilipino iti amin a sirkumstansya ;mapasingkedan ken maiyaplikar met laeng ti sangalubungan a makatao a linteg tapnu masalakniban ti sibilyan a populasyon ken dagiti individual a sibilyan , kasta met kadagiti tao a saan a direkta a makipaspaset ti wenno nagsardeng a makipartisipar ti armado a labanan, karaman dagiti tao a naipaidam ti wayawaya gapu kadagiti banag a mairaman iti armado a risiris.
ISARDENG TI AWAN KAIS ISKANA A PANANGBOMBA ITI NAGTAUDAN A DAGA!
MILITAR TI KAAW AWAYAN PAPANAWEN!
MAKAN HAAN A BALA!
UMILI AGKAYKAYSA!
ITULOY TI SARITAAN KAPYA ITI NAGBAETAN TI GRP ken NDFP!
For reference: Mr. Villamor Pati
Chairperson- KASTAN-CPA
Teresa Forag
Deputy Secretary General - KASTAN-CPA-
09055631350
Share this:
